Blog de Nireblog n'Asturianu

Nireblog, pa crear Blogs n'Asturianu

Entama Nireblog.

Dempués de meses de trabayu podemos dicir que tamos llistos, güei 10 d'abril de 2007 naz Nireblog n'Asturianu un sistema cenciellu de creación de Blogs en llingua Asturiana.

Nireblog tien unes carauterístiques que lu separtan d'otros sistemes. Por exemplu, ye posible crear Blogs n'Español, Euskara, Português tamién n'Árabe , ... esperamos que dientro de pocu tiempu tea en más idiomes.

Cada idioma tien la so propia páxina, onde van dir apaeciendo los últimos Blogs espublizaos nesi idioma, amás hai un Planet onde van apaecer los Blogs modificaos en tolos idiomes.

El sistema d'alministración ye mu simplayu, intuitivu y versátil, inspiráu na perbona coctelera.

Permite que delles persones escriban un mesmu Blog ensin necesidá d'usar la mesma cuenta (Multiusuariu).

Permite crear enllaces, poner testu en negrina, cursiva, insertar imáxenes, ... ensin necesidá de tener conocimientos de programción.

Sistema de comentarios personalizable, de manera tala que permite o non comentarios (o que tean moderaos pol autor/a de Blog). Arriendes d'ello soporta Trackbacks.

Pues escoyer ente más de 30 diseños, o si lo prefieres pues camudar l'apariencia del to Blog al to gustu con un cenciellu asistente.

Pues incluyir publicidá dientro de los tos Blogs, que van aparecer n'estremaes zones del to Blog, tolo que consigas va ser pa ti.

Permite importar la to cuenta de Blogger / Blogspot, tolos Post y Comentarios dientro d'un Blog creáu en Nireblog, de la mesma manera en cualesquier momentu pues exportar el conteníu del to Blog nun archivu de testu.

Agora yá namás queda Bloguear!

ast @ 13:24 Tags: asturianu blogs lingua+asturiana bable llionés mirandés

Esbilla | del.icio.us